Friday, June 22, 2018
Close  
  • share this

GUNIGAN: PAMBATONG IMPORT NG AIR21

08:15 PM January 20, 2013

Umaasa ang Air21 Express na magpapatuloy ang kanilang pag-angat ngayong 2012-13 season ng PBA.

Galing sa isang breakthrough quarterfinals appearance sa nakaraang Philippine Cup, buo ang kumpiyansa ni head coach Franz Pumaren na ang kanilang reinforcement na si Michael Dunigan ang magiging susi sa kanilang ambisyong higitan pa ang performance nila sa nakaraang conference.

ADVERTISEMENT

Isa kasi ang kakulangan sa isang threat sa ilalim ang kulang ng Express nitong mga nakalipas na kumperensya.

Bagama’t nasa team na nila ang mga big men na sina Noy Baclao at Mark Isip, maitituring pa rin aniyang mga undersized ito sa pwesto.

Ang dating Memphis Grizzlies at 6-10 signee na si Dunigan ay dumating na sa bansa nuong January 18.

Pero sa kanya pa lamang ilang araw na pagsama sa practice ng Express, marami na itong napahangang kakampi.

Isa na rito si ace gunner John Wilson na ikinuwento kung paano lumaro sa poste si Dunigan.

“Hanep pumoste, pag pihit niya dunk agad. Ang lakas ng katawan.”, tumatawang kwento ni Wilson “May shooting din, pero iba yung back down, back down, kasi dakdak agad.”

Hindi rin ikinubli ng good-looking shooting guard mula JRU ang wide bodied physique ng kanilang reinforcement na tinawag ni Wilson na taller version ng dating import ng Ginebra na si Nate Brumfield.

“Parang ganun yung katawan niya, matangkad lang saka ang lapad talaga parang Frigidaire”, tumatawang tugon ni Wilson, na dating naglaro para sa Kings.

ADVERTISEMENT

Ang 2013 Commissioner’s Cup ay bubuksan sa ika-walo ng Pebrero, kung saan walang limit ang height ng mga imports ng bawat koponan.

Sa ngayon ay unti-unti nang nagsisimulang mag-court drills ang Express dahil nitong mga nakalipas na linggo, simula nuong January 3, ay nag focus sila sa conditioning kasama si American strength coach nilang si Dan Rose.

May scheduled tune-up game ang Express kontra sa Barako Bull Energy Cola sa Huwebes sa Gatorade Hoops Center sa Shaw Boulevard kung saan masusubukan agad si Gunigan. (SBadua)

Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS:
For feedback, complaints, or inquiries, contact us.


© Copyright 1997-2018 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.