SHARPE PAPALITAN NA
Pinasisibak na ni GlobalPort Batang Pier team owner Mikee Romero ang kanilang import na si Walter Sharpe.
Sa panayam ng PTV Sports, halatang nagpapantig ang tenga ng young business magnate matapos lumabas sa publiko ang larawan ni Sharpe na nakahandusay at tulog na tulog sa sahig ng isang parking lot sa Ortigas.
“Hindi maganda eh, talagang napakapangit (tingnan) eh. I will ask the coaches and management to remove him,” tugon ni Romero.
Ayon sa impormante ng www.pba.ph, lasing umano si Sharpe nang makunan ng litrato.
Pero may buhay na argument ang 6-9 American forward dahil sa kanyang neurological disorder na narcolepsy, na uri ng sakit kung saan bigla na lamang nakakatulog ang dinadapuan nito.
Subalit giit ni Romero, malaking kahihiyan ang idinulot ng aniya’y irresponsible behavior ni Sharpe.
Batid rin ni Romero na naihatid na ang import sa kanyang hotel matapos ang 2-point and 5-rebound performance nito sa losing game ng GlobalPort sa Alaska Aces noong Linggo.
“My decision at this point, I cannot tolerate it. It gives the wrong impression. Talagang hindi maganda. Katatapos lang ng Balkman incident… tapos ngayon ito,” dagdag pa ni Romero.
“We have to self police ourselves also as team owners for the intergrity of the league and the teams,” giit pa ni Romero.
Maging ang kababayan ni Sharpe at dating GlobalPort import na si Justin Williams ay naniniwalang may kasalanan ito sa nangyari.
Pero hindi rin naiwasan ni Williams ang malungkot para kay Sharpe.
“Imports should be more responsible, there’s a lot of cameras flashing. Everybody gets caught with their pants down. He should be more careful next time,” wika ni Williams. (SBadua)
Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.
