SUPERSTAR TAHIMIK NA INAAYOS ANG SARILING TRADE
Habang ang ating atensyon ay nakalinga sa ongoing Commissioner’s Cup, maging sa iba’t ibang kabulastugan ng mga imports, hindi pansin ng karamihan na may isang PBA superstar pala ang umaareglo ng kanyang trade.
Ang player na ito ay madalas nang napabalitang ma-te-trade, pero ilang ulit itong napurnada.
Kwento ng kuliglig ng FrostByte, marami nang teams ang nagpahayag ng intensiyong makuha ang player dahil sa kanyang husay sa opensa at hindi matawarang court leadership.
“Baka nga mauna pa ito sa iba pang napabalitang trades eh. Abang-abangan niyo lang,” ayon sa aming source.
Maging ang player na involved ay tikom ang bibig sa nasabing isyu, lalo’t matagal na ring gusto nitong malipat sa isang championship caliber team.
Ang kampeyonato na lamang kasi ang kulang sa kanyang makulay na basketball karir.
Clue: Ang player na ito ay kayang ipanalo ang koponan na nilalaruan kahit tambak ng sampu sa last 2 minutes. Kilala niyo na?
Malalaman niyo yan pag pinaghalo niyo ang black label at kilawin.
Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.
