HOTSHOT SCORER INILALAKO NA
Naaalala niyo pa ba yung istorya natin tungkol sa isang player na ating tinawag na ‘ticking time bomb?’
Inialok na pala ang player na ito kamakailan ng kanyang koponan sa isang team na ngayon ay mainit na pinag-uusapan ng mga PBA insiders at fans.
Ayon sa aming kuliglig, papaanurin na ng kanyang mother ballclub ang streak shooting guard na ito pero ang hinihinging langis na kapalit ay isang dating Gilas Pilipinas player at isang future pick.
‘Lotsa’ kapalit noh?
Ang problema – tumanggi ang team na inaalok.
Gasgas na tugon, wika nga.
Eto ngayon ang problema, naiinis na si player dahil parang walang balak ang kanyang mother ballclub na tuparin ang mga pangako sa kanya.
Sayang ang player na ito, dahil ilang beses na niyang nabigyan ng panalo ang kanyang team. Kadalasan nga mga Goliath pa ang kanilang tinatalo.
Ang maganda lang sa development, kahit tila nawawalan na ng gana si player, handa pa rin siyang magbigay ng higit 100 percent na performance sa kanyang team – at sa bayan.
Pero balita ko, may umaasinta na rin sa kanya na isa pang grupo ng team na may matinding backer.
Kaya’t eto ang scenario – Ngayon at tumanggi ang unang team na inalok, hindi kaya masulot sila ng isa pang koponan na lumalabas ay ‘partyline’ sa negosasyon?
“Nokarin ko man mipuntang team… basta ako mamyalung kong 100%,” maikling pahayag ng player.
Yan ang ating aabangan mga kaibigan.
Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.
