KAKAIBANG EXPANSION DRAFT
Biyernes na itinakda sa PBA Office sa Libis, Quezon city ang Expansion Draft para sa mga bagong koponan na Kia Motors at Blackwater Sports.
Ang aktibidad na ito ay normal na ginagawa kapag may mga bagong miyembro na papasok.
Noong isang linggo ay matahimik nang inabot ng PBA sa Kia at Blackwater ang listahan ng mga players na wala sa protected list ng sampung existing teams.
Dito ngayon pipili ang dalawang koponan na idadagdag sa skeletal force na kanilang ibinubuo rin mula sa free agent market.
Linawin ko lamang po na kasali sa Expansion Draft ang mga free agents.
Ang magiging sistema ay hindi tulad nang nakasanayan nating rookie draft.
Bale hihingan ni commissioner Chito Salud ng “wish list” ang dalawang teams, kung saan direkta nang ibibigay ang mga players na hindi nila parehong itatala sa kanilang listahan.
Ang mga indentical entries ay isasalang sa Draft kung saan halinhinang pipili ang Kia Motors at ang Blackwater Sports.
Idadaan sa lottery ang first pick na maaring bunutan ng bola o toss coin.
Inaasahang pamumunuan naman ni Manny Pacquiao ang Kia Motors sa kanyang pag-assume ng kauna-unahang role bilang head coach ng koponan. (SBadua)
Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.
