Thursday, June 21, 2018
Close  
  • share this

3 NEW TEAMS SASABAK SA PBA D-LEAGUE

12:48 PM March 06, 2013

Tatlong bagong koponan ang makikigulo para sa korona ng 2013 PBA D-League Foundation Cup na sisimulan sa San Juan Arena sa darating na Marso a-dose.

Pamumunuan ni longtime basketball benefactor Dennis Pineda ang lupon ng mga bagong team owners.

Bibitbitin ni Pineda ang Pampanga team, na maaring tawaging EA Regenerative Medicine, depende sa magiging approval ng Bureau of Food and Drugs at Department of Health.

ADVERTISEMENT

Puno ng mga kilalang players mula sa San Sebastian Stags ang koponan ni Pineda, na dating mayor ng Lubao at ngayo’y tumatakbo bilang Vice Governor ng Pampanga.

Sa ngayon ay sinisikap ni Pineda na makuha mula sa 4-peat champions NLEX Road Warriors ang kanyang prized center na si Ian Sangalang.

Ang 6-7 slotman na si Sangalang ay matagal nang alaga at discovery ng Pampangueno sports patron.

Sa ngayon ay nagsumite na ng dokumento ang NLEX ukol sa existing contract sa kanila ni Sangalang.

“Na-i-submit na naming kay Commissioner yung copy ng kontrata niya (Sangalang) sa amin,” wika ni Ronald Dulatre, team manager ng NLEX.

Ngunit kung ang mga naisumiteng mga dokumento ay papasa kay Commissioner Chito Salud bilang valid contract ay hindi pa malaman ng Frost Byte.

Maliban sa team Pampanga ni Mayor Pineda, magpapasok rin ng panibagong prangkisa ang Hogs Breath Café at Jumbo Plastic.

Dahil dito, lumobo na sa labing dalawa ang bilang nga mga koponan sa PBA D-League, ang numero unong amateur league sa bansa.

ADVERTISEMENT

Bukod sa tatlong bagitong teams na nabanggit, magtatangka ring pigilang makalimang sunod na championship ang NLEX ang mga datihang D-League clubs na Big Chill, Blackwater, Boracay Rum, Cagayan Valley, Cebuana Lhuillier, Cafe France, Fruitas Shakers at Informatics.

Gaya ng dati, umaasa si PBA D-League tournament supervisor Eric Castro na mapupuno muli ng maiinit na aksyon ang ikalimang kumperensya ng liga.

“With the new teams coming in plus the holdovers, mas maraming challenge, at mas maraming madidiskubreng talent,” pagsasara ni Castro.

Don't miss out on the latest news and information.
View comments

Subscribe to INQUIRER PLUS to get access to The Philippine Daily Inquirer & other 70+ titles, share up to 5 gadgets, listen to the news, download as early as 4am & share articles on social media. Call 896 6000.

TAGS:
For feedback, complaints, or inquiries, contact us.


© Copyright 1997-2018 INQUIRER.net | All Rights Reserved

We use cookies to ensure you get the best experience on our website. By continuing, you are agreeing to our use of cookies. To find out more, please click this link.